نوجوان بیٹسمین حیدر علی


انگلینڈ کے خلاف تیسرے ٹی 20 میچ میں نوجوان بیٹسمین حیدر علی نے ریکارڈ بنا ڈالا۔

قومی ٹیم کے نوجوان بلے باز حیدر علی ڈیبیو ٹی 20 میچ میں نصف سنچری بنانے والے پہلے پاکستانی بلے باز بن گئے۔

حیدر علی نے ڈیبیو میچ میں 28 گیندوں پر شاندار نصف سنچری اسکور کی، ان کی اننگز میں 2 چھکے اور 5 چوکے شامل تھے، انہیں 54 رنز پر کرس جارڈن نے بولڈ کیا۔

واضح رہے کہ ڈیبیو میچ میں سب سے زیادہ عمر امین نے 47 رنز بنائے تھے ، اس کے علاوہ محمد حفیظ نے 46 ، حسین نے 41 رنز کی اننگز کھیلی تھی۔

بیٹنگ کوچ یونس خان نےحیدر علی کو ڈیبیو کیپ دیا تھا جس کے بعد تمام ساتھی کھلاڑیوں نے انہیں مبارک باد پیش کی تھی۔

خیال رہے کہ اس سے قبل حیدر علی نے پی ایس ایل میں شاندار کارکردگی دکھا کر اپنی توجہ سلیکٹرز کی جانب مبذول کروائی تھی، وہ پشاور زلمی کی نمائندگی کررہے تھے۔

خیال رہے کہ ٹی 20 میں‌ ریکارڈ‌ بنانے پر حیدر علی کا نام سوشل میڈیا پر ٹاپ ٹرینڈ‌ بنا رہا اور سابق کھلاڑیوں‌ سمیت ان کی بیٹنگ کی تعریف کرتے نظر آئے اس سے قبل سابق کھلاڑیوں‌ انہیں‌ ٹی 20 میں‌ موقع دینے کا مطالبہ کیا تھا.





Source link

Leave a Reply

Your email address will not be published. Required fields are marked *